Nyheter
Etne elva vert stengt for fiske i sesongen 2010
[01.03] På årsmøtet i Etne Elveigarlag i kveld 1. mars, vart det vedtatt at Etneelva vert stengt for fiske, sesongen 2010.
Her kan ein lesa intervju med formann i Etne Elveigarlag i Haugesunds Avis, og her i Grannar.
Eg kjem tilbake med meir info seinare.
Jakob
Stopp i fiske sesongen 2009
[31.08] Tirsdag 1. september 2009 kl 18:00 vert årets fiskesesong avslutta.
Dette vart bestemt på ekstraordinære årsmøte i Etne Elveigarlag den 28/8-09.
Me beklagar ulempene dette fører med seg for dei som har bestilt fiske.
Dei som vert berørt av dette vil få tilbakebetalt innbetalt leige for døgn som dei mister. Dette vil skje i løpet av september månad til den kontoen som fiske opprinneleg vart betalt frå.
Ingenting er bestemt ennå, men det ligg vel i korta at neste års sesong kan verta redusert, men dette er slikt som vert bestemt på eit "høgare" plan, forhåpentlegvis før 1. mars 2010
Eg skal prøve å informere her når eg veit noko meir.
Endring av fiskereglar, fangstkvote for Etne elva
[24.07] Etne Elveigarlag har på bakgrunn av evalueringa som vart tatt etter halvgått sesong, vedtatt følgjande endring i fiskereglane for sesongen 2009:
"Med verknad frå 1. august 2009 - og for resten av fiskesesongen - vert fiskereglane endra slik at det berre kan fiskast ein fiske pr. stang pr. sone. Hofisk skal setjast ut att i elva. Unntaket er å fylle kvoten av hofisk til Guddalsprosjektet.
Utviklinga dei næraste vekene vil vera avgjerande for om det må setjast inn ytterlegare tiltak som t.d. stenging av elva for resten av sesongen. Det vil også bli vurdert stopp i fiske ved ekstrem låg vassføring. Tilsynet må også skjerpast."
(Guddalsprosjektet går kort ut på at Etnevassdraget/-fjorden skal levere opp til 10 laksefamiliar (10 ho + 10 hannfiskar) i samband med eit forskningsprosjekt.)
Det svært låge fangstresultatet, og vesentleg mindre oppgang av fisk, hittil i år (samanlikna med tidligare år) er bakgrunnen for vedtaket, som ein håper skal sikre ein tilstrekkeleg gytebestand.
Endringa er i samsvar med godkjent driftsplan.
Fiskekort for 2009 sesongen
[27.05] Ja då var fiskekorta pakka i konvoluttar, og klar for sending.
Eg sender ikkje ut fiskekorta til dei 3 personane som har opningsdøgnet hos meg. Dei får desse utlevert på sone 7 om kvelden før fiske starta.
Eg har lagt ut eit par ledige døgn i juli som ikkje er betalt. Det kan og hende det kjem fleire.
Arbeid i sone 8
[25.03] Hei, ein del av dåken har vel sett at det pågår førebyggingsarbeid i sone 8?
Yttersvingen skal forsterkast, det "neset" i innersving som presste elveløpet mot yttersvingen er meir eller mindre borte nå, elvebotnen i innersving er blitt djupare, ein har prøvd å få løpet av elva til å gå meir i innersving. Eg håpar sone 8 etter dette skal bli ein betre fiskehøl å fiske i.
Det er og blitt forsterka førebygging på nordsida av sone 9, frå ca 10 meter ovanfor brua, og oppover.
